(H)++!~¤§¦... أنواع الأولاد على النكت...لالا النت ...¦§¤~!++(H)

[center]

أحباب قسم الضحك و الفرفشة من غير مقــدمات إليكم..
أنواع الولاد على النت:

المرحلة الاولى..
(الي يدوبك لسه متعلم يدخل نت)
طبعا العمر يتراوح من 16 الى ما فوق ... وتلاقيه اول ما يدخل هاي ممكن
نتعرف.. انا فلان ومن الحته الفلانيه.. وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت..
والنوعية دي تنقسم لقسمين :
1- يا اما متحمس وحط في دماغه موضوع النت وعايز يتعلم..
2- يا اما سمع من صحابه عن النت والبنات وجاي يجرب حظه..
____________________________________________
المرحلة الثانية...
( الي بيقعد على النت بس مش كثير)
النوع ده كل كلامه انا مشغولياتي كثير ومبحبش النت والكلام ده... وبعد ما
يتكلم شوية يقولك ممكن نكمل كلام في التليفون انا اصلي مبدخلش النت
كثير ومليش خلق للكتابة والحاجات دي...
والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب ويا يوم مالوش آخر...
2- يا اما يبقى عنده عزة نفس وميلحش بس هيتعصب وهيقولك اعمليلي بلوك...
______________________________________________
المرحله التالته :
( الي قاعد على النت ليل نهار)
ده بقى شرحه يطول وينقسم لعدة انواع..

- المقموص..
ده بقى قاعد وحاطط ايده على زرار الزعل اي حاجة تقوليها تبقي بتقصديه..
او بتقللي من شانه.. وبعد كام مرة كلام ممكن يقولك اديني نمرة تليفونك..
ولما تعتذري هيقولك انا هحترم رغبتك.. وهيركبلك الوش الخشب.. ومن وقت
للتاني هتاخدي البلوك في وشك فنصيحه من اولها كده اديله بلوك وديليت..

- ابو دم خفيف..
ده شلل مركز.. ومتعرفيش مين الي خدعه.. وقاله ان دمه خفيف
وكل كلامه قفشات وضحك والمفروض انك تكوني مجامله وتضحكي.. بس منصحكيش تيجي على اعصابك..
- المودي..
دي بقى شخصية بتتنوع كل يوم على حسب المود.. وهتحسي انك بتكلمي واحد
عنده انفصام في الشخصية.. النهاردة رزين وعاقل.. وبكرة لاسع.. وبعد يومين رخم..
وبعدها كيوت وفريندلي.. طبعا الحكايه مش ناقصة جنان كفايه الي الواحد
فيه..

- اللزقه..
والنوع ده عايز حزم في التعامل معاه..لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ياعم وانت مالك بتتحشر
ليه ......ولو قلتيله ثواني.. هيقولك ليه رايحة فين؟ متتأخريش ... ايه
ده انتي لسه مجيتيش ؟؟؟

- الناصح..
صباح الصداع مع كل جمله هتقوليها هتاخدي نصيحة..وفيه عرض خاص قولي
جملتين وخدي اربع نصايح العرض مستمر حتى نفاد الكمية........ولو على
منتدى زينا كده هتلاقيه بيقولك ليه حطيتي الموضوع ده وليه شيلتي
النكتة دي وحطيتي الثانية.. انا انصحك انك تخليه يحصل اخواته الي فاتوا
يعني بلوك وديليت..

- الحبيب.
انا فيا جاذبية وكل البنات بتعجب بيا ....... ايام ما كنت في الكليه..
كنت عامل ازمه والبنات بتتخانق عليا...... المصيبة بقى ان اي جمله
هتقوليها.. هيفهم انك انتي معجبه.. اصله مش بمزاجك هتحبيه يعني هتحبيه..
- حريقة بنات..
ده بقى لو في منتدى او اميل جروب تلاقيه مركز على كل البنات ومبيعملش
اي حاجة تانية غير كده.. المضحك بقى لما يتلخبط ويعتقد ان الأسم اللي معاه
انثوي ويندمج وبعدين يطلع واحد صاحبه..

- الكذاب..
من اول الأسم والسن واي معلومة خذتيها كذب في كذب.. ومتعرفيش ليه ده بقى..
انصحيه وخليه يغير اسمه على الماسنجر ويخليه مسيلمة الكذاب
- العبيط..
ده هتلاقيه على طول حاطط صورته.. وذنب عليكي تتفرجي.. ويشيل الصورة دي يحط
الثانية وكل شوية يفتح الكاميرا مع نفسه.. ft6.

- بابا أبوشنب..
ده ممكن يكون على النت من سنة 96..واتخرج واشتغل واتجوز وجاب عيال.. ولسه
قاعد يتعرف على بنات..

وكل ما يكلم واحدة يقنعها انه مش متجوز وبيدور
على عروسة.. وصباح السرحان.. ولو جربتي كل يوم تدخليله بايميل غير التاني
هتسمعي قصة حياته كل يوم مختلفة.. Mad

</STRONG>

كل ولد يدخل يقول هو مين
؟؟؟؟؟؟؟؟؟؟؟؟؟؟؟؟؟؟

مشكوورة والله كتير حلو خخخخ

hhhh chokran laki o5ti
_________________

[img]

هههههههه شكرا لك

_________________

جس الطبيب خافقي
وقال لي : هل هنا الألم؟.....قلت له نعم
فشق بالمشرط جيب معطفي وأخرج القلم
هز الطبيب رأسه ومال وابتسم
وقال لي: ليس سوى قلم فقلت: لا يا سيدي
هذا يد، وفم......رصاصة ، ودم.......وتهمة سافرة تمشي بلا قدم...[

ه شكرا لك
_________________